“Qan Donorları Assosiasiyası” ictimai birliyinin sədri Fuad Əsgərov və birliyin tibbi işlər üzrə koordinatoru eyni zamanda Azərbaycan Tibb Universtetinin SIFE Komandasının kapitanı Sərxan Şükürov Gürcüstanda rəsmi səfərdədir.

Assosiyasiyanın mətbuat xidmətindən Gün.Az-a verilən məlumata görə, səfərin əsas məqsədi Gürcüstanın “Marneuli Gənc Mərkəzi” ilə gələcək fəaliyyət istiqamətlərinin formalaşdırılması və əməkdaşlıq memarandumunun imzalanmasından ibarətdir.

Eyni zamanda səfər çərçivəsində Səhiyyə sahəsində fəaliyyət göstərən Qeyri Hökümət Təşkilatları ilə görüşlərin keçiriməsi nəzərdə tutulub.

Səfərin ilk günü 28 dekabr tarixində Qan xeyriyyəçiləri Tbilisi şəhərində fəaliyyət göstərən  Qan Bankı MMC-də görüşdə olublar. Görüş əsasında Qan bankı ilə yaxından tanış olunub  və donorluğunun inkişafında birgə fəaliyyət müzakirə edilib.

Görüşdə iştirak edən Qan Bankı MMC-nin direktoru  David Loliaşvili Gürcüstanda qan donorluğu proqramı haqqında geniş məlumat verərək , assosiyasiyanın  fəaliyyəti, qanver.az saytı ilə yaxından tanış olub və gələcəkdə əməkdaşlığın önəmliliyini vurğulayıb.

Günün ikinci yarısı Gürcüstanın Rustavi şəhərində yerləşən “Uşaqlar və Ətraf mühit” İctimai Birliyi ilə görüş keçirilib.

Görüşdə birliyin prezidenti Nana İaşvili də iştirak edib. Bu görüşdə də qarşılıqlı əlaqələr müzakirə olunub və gələcək əmakdaşlıq barədə razılıq əldə edilib . Daha sonra hər iki tərəfin iştirakı ilə valideyn himayəsinə ehtiyac olan uşaqların hazırladığı  musiqili əyləncəli proqrama qatılan birlik üzvləri xoş təəssüratlarla ayrılıb.

Qeyd edək ki,  görüşlər Marneuli Gənclər Mərkəzinin idarə heyəti üzvlərinin iştirakı və təşkilatçılığı ilə aparılıb.

Nərmin Əhmədli
Gün.Az

.