Avropa Parlamenti Gürcüstana dair həm siyasi, həm də hüquqi nöqteyi-nəzərdən mühüm qətnamə qəbul edib.

Bu barədə Gürcüstan Xarici İşlər Nazirinin müavini Nino Kalandadze bildirib. Onun sözlərinə görə, bu sənəd Gürcüstan və Avropa Birliyi (AB) arasında davam edən danışıqlar kontekstində tövsiyələrdən ibarətdir. Bu tövsiyələr Gürcüstandakı situasiyanın tam analizi əsasında hazırlanıb və onun həyata keçirilməsi ilə mütləq AB ali institutları məşğul olmalıdır. Nazir müavinin sözlərinə görə, tövsiyələrdə eyni zamanda Gürcüstanın müstəqil olaraq tamhüquqlu özünün gələcək inkişaf istiqamətini müəyyən etməyi göstərilir. Gürcüstan Xarici İşlər Nazirinin müavini sənəddə göstərilən əsas əhəmiyyətli olan faktı da qeyd edib. "Bu sənəddə Abxaziya və qondarma Cənubi Osetiya işğal edilmiş Gürcüstan əraziləri kimi tanınır."

APA

.