Gürcüstan Müdafiə Nazirliyi qadınların müqavilə əsasında ordu sıralarında xidmətə cəlb edilməsinə başlayıb.

APA-nın məlumatına görə, artıq nazirlik tərəfindən bununla bağlı Silahlı Qüvvələrdə xidmətə həvəsləndirmə kampaniyasına start verilib. Hətta televiziyada yayımlanması üçün reklam çarxı da hazırlanıb. Gürcüstan qadınların müqavilə əsasında orduda xidmətə cəlb edilməsi məqsədilə Cənubi Qafqazda belə bir reklam kampaniyasına başlamış ilk ölkədir.

Qeyd edək ki, hazırda Gürcüstan Silahlı Qüvvələrində 37 min nəfər xidmət edir.

.