Gürcüstan parlamentinin önündə “Boş qazanlar” aksiyası keçirənlər yeni iş yerlərinin açılmasını tələb ediblər.

Azsaylı aksiyanın iştirakçıları qazanlara qaşıqlarla vuraraq hökumətin problemə diqqət vermədiyini deyiblər.

“Biz işsizliyin qanunvericilik səviyyəsində tanınması və buradan problemin çözülməsini istəyirik. Parlament bizi eşinədək mübarizəmiz davam etdiriləcək”, - deyib aksiya təşkilatçılarından biri - Azad Gürcüstan partiyasının lideri Aleksandr Şalamberidze.

Ötən ilin sonunda keçirilmiş sorğuya görə, iş yerlərinin yaradılması ölkənin əsas problemi kimi tanınıb.

İşsizlik səviyyəsi bəzi rəqəmlərə görə 15 faizə yaxındır.

.